Йөзүчеләр сынатмады

Чарада Балык Бистәсе, Яңа Чишмә һәм Мөслим районнары командалары составында 70 бала чыгыш ясады. Шуларның 44е – район балалар һәм яшүсмерләр спорт мәктәбендә шөгыльләнүчеләр. Ярышлар шәхси-команда зачетында барды. Спортчылар үз яшь төркемнәрендә 100-50 метрда брасс белән, 50-25 метрда ирекле стильдә йөзде. Шәхси зачетта – 16 комплект, эстафета йөзүендә 2 комплект медаль уйнатылды. Мөслимлеләр үз яшь төркемнәрендә бик күп призлы урыннар яулады. Нәтиҗәдә безнең район командасы 4 – алтын, 11 – көмеш һәм 11 бронза медальгә ия булды. 
Фото – «Нептун» бассейны архивыннан.