Спас районында янгында өлкән яшьтәге ир белән хатын вафат булган

Татарстанда Спас районында янгында өлкән яшьтәге ир белән хатын вафат булган. Аларның гәүдәсен янган йортның конструкциясен сүткәндә янгын сүндерүчеләр тапкан. Бу хакта «Татар-информ»га Россия Гадәттән тыш хәлләр министрлыгының Татарстан буенча бш идарәсе матбугат хезмәтендә хәбәр иттеләр.

Татарстанның Спас районы Кожаевка авылында шәхси йортта янгын төнге бердә булды. 50 минуттан соң янгын тулысынча сүндерелде.

Янган корылманың конструкциясен сүткәндә, иртәнге 4тә янгын сүндерүчеләр — 75 яшьлек ирнең, ә тагын бер сәгатьтән соң аның 73 яшьлек хатынының гәүдәсен тапканнар.

Фаҗиганең сәбәпләре ачыклана.

 Подробнее: https://tatar-inform.tatar/news/incident/08-04-2021/spas-rayonynda-yangynda-lk-n-yasht-ge-ir-bel-n-hatyn-vafat-bulgan-5818131