Социаль яклау министры урынбасары Азат Мөбәрәкшин Мөслим картлар йортында булды

Район картлар һәм инвалидлар интернат йортында дәрәҗәле кунаклар еш була. Бүген шундый кунакларның берсе - Татарстан Республикасы хезмәт, мәшгульлек һәм социаль яклау министры урынбасары Азат Мөбәрәкшин килде. Ул биредә өлкәннәрнең яшәү шартлары, социаль реабилитация һәм сәламәтләндреү бүлмәләре белән танышты. Хуҗалык бүлегендә булды. Өлкәннәр белән очрашып, аларның фикерләрен тыңлады, хәлләрен белде. Министр урынбасары интернат йортның эшчәнлегенә югары бәя бирде. Ул шулай ук район социаль яклау һәм "Маяк" халыкка социаль ярдәм күрсәтү үзәгендә дә булды.