Сессия узды

Бүген өченче чакырылыш Мөслим муниципаль район Советының XXIX cессиясе үтте. Сессиянең көн тәртибендәге беренче мәсьәлә Мөслим муниципаль районы Башкарма комитеты җитәкчесенең вазыйфаларын вакытыннан алда туктатуы турында иде. Моңа кадәр Башкарма комитеты җитәкчесе вазыйфаларын башкарган Алмаз Хамматовның гаризасы канәгатьләндерелде. Намуслы хезмәте өчен Хамматов Алмаз Зөлфәт улы район башлыгының Мактау грамотасы белән бүләкләнде. Көн тәртибендәге икенче мәсьәлә Мөслим муниципаль районы башкарма комитеты җитәкчесе вазыйфаларын йөкләү турында булып, әлеге вазыйфаны вакытлыча башкаручы итеп аның урынбасары Илнур Әхмәтов билгеләнде.

Сессия азагында бертөркем райондашыбыз район башлыгының Мактау грамоталары һәм Рәхмәт хатлары белән бүләкләнде.