Районга грипп эпидемиясе якынлаша

"Бу атнада башкалада эписезон башланды. Алдагы атнада районнар вируслы инфекция авыруларына дучар булу ихтималы зур", - дип хәбәр итәләр ТР Сәламәтлек министрлыгыннан. "Шуңа күрә әниләр балаларына аеруча игътибарлы булсыннар иде. Кеше күп булган урыннардан ерак йөрү, витамин комплексларын кабул итү, бүлмәләрне даими җилләтеп тору, өйләрдә җитәрлек күләмдә дымлылыкны саклау авыруга каршы торучанлыкны арттырачак кына. Гриппка каршы прививка ясатучыларга эписезонның куркынычы булмас дип уйлыйм", - ди район үзәк хастаханәсе баш табибы Рамил Морзаханов.