Өченче буын җиңүе

Татарстан пенсионерлары коронавирус эпидемиясе шартларында да компьютер һәм интернетны өйрәнүне дәвам итте

1  меңгә  якын  пенсионер  районнарда  эшләгән  өченче буын университетларында  компьютер  грамоталылыгы  нигезләренә  өйрәнде.  Алар соңыннан “Компьютер Land: “Третий возраст-2020”    республика  конкурсында  көч  сынашты.  Быел  ул  дистанцион  форматта  узды.  Бәйгенең  районда  узган  беренче  этабы  җиңүчеләре Рәмзия  Әхмәтова  һәм  Линар  Камалов ярышның финал турында көч сынашты.  “Начинающий пользователь” категориясендә  шәхси беренчелектә безнең  районнан  Линар  Камалов абсолют  җиңүче  булды.  Рәмзия Әхмәтова  да  яхшы  нәтиҗә  күрсәтте. Шул  рәвешле  Мөслим  районы  командасы,  максималь  85  балл  җыеп, гомумкоманда беренчелегендә моннан  биш  ел  элек  яулаган  җиңүен  кабатлады.