Мөслимдә рейд булачак

Бу елның беренче "Тоннель" операциясе Кооператив урамында узачак. 14.00-16.00 сәгать аралыгында ЮХИДИ хезмәткәрләре шоферларның ОСАГО иминияте булуын, аптечка, түләнмәгән штрафлар булуын, юл хәрәкәте кагыйдәләрен бозуны ачыклау буенча комплекслы тикшерү үткәрәчәк. Төп игътибар балаларны йөртү кагыйдәләренә юнәлдереләчәк. Рейд барышында машиналарында балаларны утырту җайланмалары булмаган, иминлек каешлары эләктерелмәгән шоферлар да ачыкланачак.