Мөслимдә Аяз Гыйләҗевның 90 еллыгына багышланган китап укучылар конференциясе узды

( "Татар-информ"). Мөслим муниципаль районы рәсми сайтында хәбәр ителгәнчә, китап укучылар конференциясе Югары Табын авылында узган.

"Югары Табын авылы китапханәсендә язучы, Г.Тукай исемендәге Дәүләт бүләге Һәм РСФСРның М. Горький исемендәге премия иясе Аяз Гыйләҗевның тууына 90 ел тулуга багышланган "Кеше күңеленә юл салып..." китап укучылар конференциясе үткәрелде. Чыгышлар презентация белән әзерләнгән иде. "Йәгез, бер дога!" роман-хатирәсе анализланды. Зур эмоциональ көч, фәлсәфи тирәнлек белән сугарылган әсәр укучыларның күңелләрендә тирән эз калдырды", - дип язган Үзәкләштерелгән китапханәнең мәдәният бүлеге.