Мари Бүләрдә яшәүче Әнисә Изибаева бәйрәмнәр белән котлый

Әнисә Изибаева, районда яшәүче мариларның милли-мәдәни автономиясе иҗтимагый оешмасы җитәкчесе: Татарстан - күп милләтле дәүләт.

Республиканың иң зур горурлыгы һәм байлыгы - Татарстанда яшәүче халыклар. Монда татарлар гына түгел, башка милләт вәкилләре дә үзләренең туган илен тапкан. Татарстан халкының үзара дус, тату яшәве, бөтен дөнья өчен үрнәк булып тора. Ә Татарстан Конституциясе - шушы мөмкинлекләрне тудыручы төп документыбыз. Халыклар арасында дуслык бәйләнешләрен ныгытуда милли бәйрәмнәрнең дә роле зур. Чөнки алар аша төрле милләт вәкилләре бер-берсенә якыная, гореф-гадәтләрен, йолаларын өйрәнә. Республикабызда һәм районыбызда һәрвакыт дуслык һәм бердәмлек булсын. Бәйрәмнәр белән!