Лицейда тормыш дәресләре узды

Мөслим лицеенда мәрхәмәтлелек айлыгы һәм өлкәннәр декадасы кысаларында барлык сыйныфларда да «Әби-бабайларга мәрхәмәтле һәм Кешелекле бул! " дигән бердәм тематика буенча тормыш дәресләре узды.  Сыйныф сәгатьләренә әбиләр һәм бабайлар чакырылган иде, алар үз тормышларындагы кызыклы вакыйгаларны сөйләделәр. Укучылар алар өчен концерт номерлары әзерләделәр. Шулай ук балалар алып килгән гаилә фотоларыннан  фотокүргәзмә дә оештырды, дусларына үзләренең якыннары турында сөйләделәр.