Картлар һәм инвалидлар йортында яшәүчеләр өчен дә Яңа ел кичәсе оештырылды

27 декабрь көнне район картлар һәм инвалидлар йортында яшәүчеләр өчен дә Яңа ел кичәсе оештырылды. Бәйрәмдә катнашкан район Советы аппараты җитәкчесе Ринат Гарипов һәм Татарстан халыклары ассамблеясенең Мөслим районындагы вәкиллеге җитәкчесе Рушат Солтанов, эшмәкәр Ара Григорян һәм аның кызы Ануш әби-бабайларны, апа-абыйларны Яңа ел белән тәбрикләп, матур теләкләрен җиткерделәр. Эшмәкәр Ара Григорян гаиләсе өлкәннәрнең барысына да күчтәнәч пакетлары таратты. Чара уеннар-җырлар белән үрелеп барды, аларда һәркем теләп катнашты. Концерт-тамаша тулысынча картлар һәм инвалидлар йорты хезмәткәрләре көче белән әзерләнде.