ФОТОКОНКУРС: "Солдатта булган диләр"

Узган ел 23 февраль - Ватанны саклаучылар көне уңаеннан игълан ителгән бәйгебезнең бик популяр булуын истә тотып, быел әлеге фотоконкурсны тагын бер кабатларга булдык. Конкурста катнашу өчен бүгенге көндә армия сафларында хезмәт итүче якыннарыгызның фотосын электрон почтабызга җибәрүегез кирәк. Конкурс шартлары буенча хәзерге вакытта хәрби бурычын үтәүче улыгыз, абыегыз, туганыгыз яки дустыгызның фотосы белән бергә исем-фамилиясе, хезмәт итү урыны, армия сафларына алыну вакытын да күрсәтүегез мөһим. Фотолар 23 февральгә кадәр кабул ителә. Электрон почта: muslimau@rambler.ru. Катнашырга теләүчеләр Матбугат үзәгенең ВКонтакте социаль челтәрендәге "Без мөслимлеләр! Мы муслюмовцы!" төркеменә язып та калдыра ала. Фотоларга тавыш бирү 23-26 февраль көннәрендә бара. Җиңүчегә бүләк: армиядән кайтучы егетне, сезнең белән бергә без дә каршы алып, җирле мәгълүмат чараларында яктыртырга вәгъдә итәбез.