Бер кыз бала машина йөртү таныклыгы булмаса да, исрек хәлдә руль артында тоткарланган

Бала тәрбияләүдә ата-ана бурычын үтәүдән тайпылып, эчүчелек белән шөгыльләнүчеләр кимеми. Районның балигъ булмаган балалар белән эшләү һәм аларның хокукларын яклау буенча комиссиясенең чираттагы утырышында шундый биш эш (дүртесе - хатын-кыз) каралды. Алкогольле эчемлек кулланган хәлдә һәм машина йөртү таныклыгы булмаган килеш руль артына утырган кыз баланың тәртибе тикшерелде. Төнге сәгатьләрдә урамда йөргән ике яшүсмер дә комиссия каршында җавап тотты.