БАЛЫКТАН КАБЫМЛЫК-РУЛЕТ

(Интертат)

Кабымлык өчен: 150 г җиңелчә тозланган кызыл балык (семга, форель, сөләйман балыгы), 120-150 грамм эремчекле сыр, 1 уртача зурлыктагы кыяр, 1 ләвәш, яшел тәмләткечләр.

Эш тәртибе: ләвәшкә эремчекле сыр ягарга. Балыкны нечкә итеп кисәкләп турап, сыр өстенә салырга. Кыярның кабыгын әрчеп, нечкә итеп турап, балык өстенә салырга.

Ләвәшне рулет сыман итеп төреп, полиэтилен пакетка салып, 30 минутка суыткычка куярга.

Аннары 1 см телемнәргә турап, тәлинкәгә тезәргә.

Өстен яшел тәмләткечләр белән бизәргә.