Тәрбиягә бала алган гаиләләрдә яшәү шартларын тикшерделәр

29 ноябрь көнне опека һәм попечительлек бүлегендә Мәгариф һәм фән министрлыгының комиссиясе эшләде. Комиссия составында ТР Опека һәм попечительлек бүлеге җитәкчесе Васильева Венера Олеговна, Республикакүләм уллыкка-кызлыкка, опека һәм попечительлеккә бирү үзәге директоры Хәбибуллина Диана Рәисовна, “Казан шәһәренең ата-аналар карамагыннан мәхрүм булган балаларны гаиләгә урнаштыруда, алмаш гаиләләр әзерләүдә һәм әйдәп баруда ярдәм итүче үзәк” дәүләт бюджет учреждениесе директоры Богова Светлана Алексеевна, “Яр Чаллы шәһәренең ата-аналар карамагыннан мәхрүм булган балаларны гаиләгә урнаштыруда, алмаш гаиләләр әзерләүдә һәм әйдәп баруда ярдәм итүче үзәк” дәүләт бюджет учреждениесе директоры Сатаева Галина Андреевна һәм аның урынбасары Харина Татьяна Александровна, Сарман, Актаныш, Азнакай районы опека һәм попечительлек бүлеге белгечләре эшләде. Алар опека һәм попечительлек бүлегендә тупланган эш кәгазьләре белән танышты, тәрбиягә бала алган гаиләләрдә булып, аларның яшәү шартларын тикшерде.