Алыштыргысыз Илшат

Илшат Галимов –Тугаш авылы егете. “Туган як” агрофирмасында бик озак еллар ягулык-майлау материалларын җибәрүче булып эшли. Агрофирманың барлык мөһим кампанияләрендә дә алыштыргысыз кеше Илшат. Язгы чәчү, урып-җыю, җир эшкәртү вакытында “ГАЗ-53” машинасы белән техниканы тәүлек буена ягулык белән өзлексез тәэмин итә. “Тынгысыз, эш вакыты белән исәпләшмичә эшли Илшат. Районнның алдынгылар слетында катнашуы да юкка түгел. Эшкә карусыз, батырып эшли торган. Җәйге челләдә дә, коеп яуган көзге яңгырларда да, чатнама суыкларда да басу-кырлардан, колхоз кырларыннан аерылмаган хезмәттәшебез белән горурланабыз” , – ди агрофирма җитәкчелеге.