Юбилярны тәбрикләделәр

Бүген Мөслим авылында яшәүче Исламова Миңнесәхия Закир кызына - 90 яшь тулды. Шушы уңайдан аны котларга район башлыгы Рамил Муллин, район Советы аппараты җитәкчесе Азат Әхмәтҗанов, район ветераннар Советы җитәкчесе Илгиз Низамов Исламов Хөҗҗәт абый белән Миңнесәхия апа яшәгән йортка бардылар. Рамил Хәмзович юбилярны котлап иң изге теләкләрен җиткерде, саулык-сәламәтлек белән 100гә чаклы яшәвен теләде. Россия Федерациясе президенты Владимир Путинның котлау хатын тапшырды, күчтәнәч пакетын бирде. Илгиз Хафизович ветераннар Советы исеменнән җылы теләкләрен белдерде, озын гомерләр теләде.