Үлем белән кайда сату итәләр, хәбәр ит!"акциясе дәвам итә

12 ноябрьдән Татарстанда "Үлем белән кайда сату итәләр, хәбәр ит!" Бөтенроссия акциясенең икенче этабы старт алды. Акциянең төп максаты - татарстанлыларның игътибарын наркомания һәм наркотикларның законсыз әйләнеше проблемасына юнәлдерү, җәмәгатьчелек һәм наркотиклар әйләнешен контрольләүче органнар, Эчке эшләр министрлыгы, прокуратураның көчен берләштерү, шулай ук авыр хәлгә юлыккан кешеләргә бушлай ярдәм күрсәтү. 23 ноябрьгә кадәр " кайнар линия" телефоннары эшләячәк, аларга Татарстан халкы шалтыратып, үзенең хәбәрен җиткерә ала. Татарстанның наркотиклар әйләнешен контрольләү идарәсе телефоннары: 8 (843) 274-30-30, 273-43-45.