Каникуллар чорында эшләүче балалар күп

Җәйге каникул чорында укучы балалар, бик теләп, Төзекләндерү һәм яшелләндерү унитар предприятиесенә эшкә урнаша. Июнь аенда – 28, июльдә 32 бала Мөслим урамнарында һәм парк-скверларда чәчәкләргә һәм агач-куакларга су сибү, чүп утау кебек эшләр башкарды. Аларның бер өлеше теплица хуҗалыгында яңа сезонга әзерлек эшләрендә катнашты, ялгап үстерелүче агач-куак үсентеләрен тәрбияләде. Август аеннан предприятиегә 18 бала эшкә урнашты.