Янгын куркынычы турында кисәтүче хәбәр итү җайланмалары куелды
200 данә җайланма ялгыз яшәүчеләрнең йортларына урнаштырылды.
Бу көннәрдә Мөслим һәм Сарман районнары буенча янгын күзәтчелеге бүлеге районның янгын хезмәте белән берлектә җирлегебездәге ялгыз яшәүчеләрнең йортына 200 данә янгын куркынычы турында кисәтүче автоном хәбәр итү җайланмасын урнаштырды. “Мондый җиһазлар күп балалы, аз тәэмин ителгән, социаль яктан имин булмаган гаиләләрнең йорт-фатирларына да урнаштырылды. Әлеге җайланмалар бушлай куела. Бу эш алга таба да дәвам итеп, тагын 700 данә куелачак. Белгечләр газ һәм электр җиһазларыннан файдаланганда янгын куркынычсызлыгы таләпләрен үтәү кирәклеген искәртте”, – ди бүлек җитәкчесе урынбасары Рушан Фәрхетдинов.
Мәлләтамак авылында бу көннәрдә янгын гидрантларын урнаштыру бара. Авылның Тукай урамында 6 гидрант куела.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев