"Чаңгы юлы - 2015" бәйгесендә 800дән артык райондашыбыз катнашты

Бәйгедә иң өлкән катнашучы исемен Баланлы авыл җирлегеннән 75 яшьлек Фәһим Галяев алды. Иң яшь катнашучы булып Минзәлә районыннан килгән 9 яшьлек Ризәлә Камалова танылды. Мистер чаңгы юлы исеменә аграр көллият директоры Рамил Абдуллин лаек булды. Мисс чаңгы юлы исемен Саклык банкының Мөслимдәге өстәмә офисы җитәкчесе Мәдинә Зырина алды. Иң актив җитәкче исеме район эчке эшләр бүлеге җитәкчесе Наил Бадретдиновка бирелде. Иң актив оешма булып "Туган як" агрофирмасы табылды. Иң актив гаилә исеменә Олы Чакмак аыыл җирлегеннән Гариповлар гаиләсе лаек булды. Җиңүгә омтылу номинациясендә Сарман районыннан Шамил Солтанов, Иң актив мәктәп номинациясендә Мөслим лицее бүләкләнде.