Россия Мәгариф һәм фән өлкәсендә күзәтчелек буенча федераль хезмәте (Рособрнадзор) 2018 елда 9 һәм 11 сыйныф укучылары имтихан тота торган кайбер фәннәргә үзгәрешләр кертергә тәкъдим итте. Бу хакта әлеге идарәнең матбугат хезмәтендә җиткерделәр, дип яза "Известия".
Шул рәвешле, 2018 елгы имтихан биремнәренең төзәтмәләр проекты буенча, рус әдәбияты имтиханына инша язу өчен дүртенче тема биреләчәк. Ә физикадан Бердәм дәүләт имтиханына астрономия буенча бирем өстәячәкләр.
Моннан тыш, рус теленең база өлешендәге имтиханына заманча телнең лексик нормалары буенча бирем өстәлергә мөмкин. Ә химиядән югары дәрәҗәдәге авырлыкта мәсьәлә биреләчәк, дип хәбәр итә "Комсомол правда".
Ә биология, тарих, география, математика һәм чит телләр буенча имтиханга үзгәреш кертелмәячәк.
Нет комментариев