Укучыларыбыз иҗаты рубрикасы буенча яңалыклар
-
Ялгыз хатын
Беркайда да эшләмичә, теләсә кемне җыеп, эчеп яткан Сәриягә Фәрит түгел, аның акчасы гына кирәк иде. Акча алып кайткан көнне Фәрит әйбәт. Ә акчасы бетсә, иргә бер юньле сүз, бер юньле көн күрсәтмәде Сәрия.
-
Миннән – ярдәм, әбидән – йомырка
Тавыкны һәрбер хуҗалыкта диярлек асрыйлар. Тавык бик файдалы кош, чөнки ул йомырка һәм ит бирә.
-
Серле көн (әкият)
Иптәшләре күрми дә кала, Назлыбикә имәннең ачылып киткән ишегеннән эчкә атлый...
-
Дуслык ничек бозылган? (әкият)
Борын заманда куе кара урманда яшәгәннәр ди өч дус: аю, бүре, куян. Алар бер дә талашмаганнар, бар эшне бергә эшләгәннәр.
-
Истә, һаман да истә
Көзге урман. Алтынсу-сары яфраклардан төсле келәм түшәлгән. Аның өстенә басарга да куркып, әкрен генә алга атлыйбыз. Агачлардан соңгы яфраклар коела. Колакка төрле тавышлар ишетелә: кошлар чыркылдавы, агачлар шыгырдавы һәм шуларның барысына да кушылып, урман шаулавы. Күңелнең түренә үтеп керерлек итеп салмак кына урман шаулый. Күчмә кошлар инде китеп беткән, урман әкрен генә кышка әзерләнә.
-
Бала хакына
Таһир ашарга утырган гына иде, ишек шакыдылар. Ир, берни уйламыйча, барып ачты һәм катып калды. Бусагада аның беренче мәхәббәте – хатыны Ләйлә басып тора иде.
-
Шулай да була икән
Ижау шәһәренә барып, заводка эшкә урнашты. Фәнисә белән матур гына очрашып йөрделәр. Ә җәйгә туй ясыйбыз дип, матур планнар корды яшьләр. Сабантуй чорында гөрләтеп туй итәрбез, дип, хыялланып йөргәндә, ашханәдә пешекче булып эшләүче Фәнисә, кайнар парга пешеп, аны хастаханәгә салдылар. Шулай итеп туй кичерелде.
-
Әткәйләрнең яшьлеге
Әткәебез Галимов Шакир Мөхәммәтгалим улының гомере Мөслим тарихы белән гаять тыгыз бәйләнгән. Безнең нәсел авылыбызга нигез салган Мөслим бабайга барып тоташа. Әткәй 1893 нче елның 20 ноябрендә урта хәлле крестьян гаиләсендә туа. 1901-1910 елларда укып, Олы Чакмак мәдрәсәсен бик яхшы билгеләргә генә тәмамлый. Мәдрәсәдә дин сабакларыннан тыш, дөньяви белем дә бирелә. Мөхәммәтшакир Фәйзуллин (композитор Җәүдәт Фәйзинең туганы) тел, тарих, география, математика фәннәреннән укыта.
-
Әткәйләрнең яшьлеге
Әткәй дөньяда иң тыйнак, намуслы, илебезгә, халкыбызга, эшенә бирелгән чын коммунист иде. Ул моны күпьеллык хезмәте белән күрсәтте.
-
Сагыну
Әнкәй сугышны Ленинградта каршылый. Сөйли иде: “Ленинградка Минскидан, Киевтан качаклар килеп тулдылар. Безне дә бомбаларга, тупларга тота башладылар. Азык-төлек складларын яндыргыч бомбалар белән яндырып бетерделәр. Шикәр, майлар яна-яна эреп актылар”. 872 көнгә сузылган иң рәхимсез шәһәр блокадасы, ачлык башлана.
-
Михнәтле еллар
Безнең Исәнсеф авылында, 150 хуҗалык булып, Бөек Ватан сугышына 122 кеше китә. Шуларның 50се яу кырында ятып кала. Авылдашыбыз Гыймазетдин Вәҗетдинов фин сугышында Советлар Союзы Герое исеменә лаек була. Мирзагали Шәгалиев, Мөхәммәтдин Шакиров офицер булып кайта.
-
Хөрмәтне яулый белергә кирәк!
Укытучы – иң изге һәм саваплы һөнәр, чөнки алар пәйгамбәребез Мөхәммәт салләллаһу галәйһиссәләмгә Аллаһы Тәгалә тарафыннан иңдерелгән аятьләрнең беренчесен башкара.
-
Эзләмә! Табаалмассың?!..
Килен булып төшүгә, каенанасы кат-кат кисәткән иде Мофавазаны, югыйсә. – Иреңнән аракы яшереп маташма. Әллә кайларга яшерсәң дә, барыбер эзләп таба ул эчкән кеше. Мин шешәсен дә кулыма тотмадым аракы дигән шайтанның. Атагыз үзе алып кайтты, үзе хәл итте, табасын үзе тапты шуның белән. Ничек өйрәтсәң, шулай китәр, яшереп маташма. Торсын шунда күз алдында. Шулай итсәң, лүтше эчми ул ир-ат, – дигән иде. Тыңламады шул кайнанасы сүзен килен кеше. Чөнки үз әнкәсе гомере буе иреннән аракы яшерерде. Яшь хатын да әнисе гадәтен куды, шулай дөресрәк булыр, дип уйлады, ахры.
-
Упкын
Бит очлары алма кебек кызарып торган озын толымлы Алиягә мәктәпнең күп егетләре гашыйк иде. Ләкин аның йөрәген күрше авыл егете Ирек яулады. Бер-ике очрашуда ук, бер-берсенә күңелләре белән якын булуларын тоеп, алар еш күрештеләр. Күктәге мәңгелек йолдызларын санап, айлы кичтә су буенда серләшә-серләшә, җәй узганы сизелмәде дә.
-
Балачак
Гел шулай: бик авыр көннәремдә, “Нишләргә?” дигән сорауга җавап эзләп, кабат-кабат балачагымның пожарный тавында үткән вакытына әйләнеп кайтам. Әнкәйнең сабырлыгына, яшәү дәртенең искиткеч көчле булуына, коточкыч авырлыкларны үтеп, нервлары үтә нык какшаган әтигә дә яшәргә, көрәшергә өмет бирә алырлык көч каян килде икән, дип гаҗәпләнәм.