2017 елда юллар төзү өчен 20 млрд. сум финанс чыгымы тотылды

2017 елда республика күләмендә юллар төзү өчен 20 млрд. сум финанс чыгымнары кулланылды, шуның 1 млрд. сумы Мөслим районына туры килә.

"Муниципаль юл фонды" тарафыннан бирелгән 8,4 млн сум күләмендәге акчалар Тукай, Колхоз урамнарындагы күп фатирлы йортлар ишек алларын ясарга мөмкинлек бирде. Район үзәгендә гомуми озынлыгы 2,8 км тәшкил иткән урам юллары ясалды, Кооператив, Вахитов, Октябрь, Яшьләр, Фәиз Рәшитов, Шашин, 1нче Май урамнарында 2,5 км. озынлыкта брусчатка түшәлде.