Гимназиялеләр юннатлар слетында катнашты

5 ноябрьдән 7 ноябрьгә кадәр Казан шәһәренең «Байтик» сәламәтләндерү-белем бирү комплексы базасында юннатлар слеты узды. Ул бөтен республикадан 250дән артык егет-кызны җыйды. «Иң яхшы фәнни-тикшеренү эше» конкурсы нәтиҗәләре буенча Мөслим гимназиясенең 5 сыйныф укучысы Ислам Бариев, 11 сыйныфтан Илина Бариева  лауреат дипломына лаек булды, Адилә Ханнанова (10 сыйныф) 2 дәрәҗә диплом алды. "Юннатларның иң яхшы отряды" конкурсында "Экокалейдоскоп" экологик берләшмәсе каршындагы "Экодоблесть" отряды үз эшен тәкъдим итеп, гимназия лауреат дипломына лаек булды . «Яшь натуралист көндәлеге» конкурсы нәтиҗәләре буенча Ислам Бариев  җиңүче булды һәм 1 дәрәҗә Диплом белән бүләкләнде. Һәр җиңүче Экология һәм табигый ресурслар министрлыгыннан кыйммәтле бүләкләр алды . Укучыларның фәнни җитәкчесе,  "Эко калейдоскоп" экологик берләшмәсе җитәкчесе Ләйсән Бариева.

Фото - Л.Бариеваның шәхси архивыннан