“Гаилә һәм мәктәп – ышаныч җебе” проекты кысаларында
Бүген Мөслим гимназиясендә “Гаилә һәм мәктәп – ышаныч җебе” муниципаль проекты кысаларында истәлекле чара оештырылды.
Чәй өстәле артында аралашу өчен 11 сыйныф укучыларының әти-әниләре чакырылды. Гимназия директоры Азат Мирзаянов гаиләдәге җылы мөнәсәбәтләрнең укучы тормышында мөһим роль уйнавын билгеләп үтте. Укучылар әти-әниләргә гаиләгә кагылышлы кызыклы сораулар, табышмаклар да әзерләгән иде. 11 сыйныфлар кунакларны үзенчәлекле кар бөртекләре дә ясарга өйрәтте.
– Гимназия коллективының ата-аналар белән тыгыз элемтәдә булулары аларның эшчәнлекләрендә, ирешкән уңышларында ачык күренә. Шәхес тәрбияләүдә гаилә һәм мәктәп бердәмлеге төп чараларның берсе, – диде 11 сыйныфның класс җитәкчесе Гөлшат Мөхәмәтҗанова.
Чара ахырында һәрбер әти-әнигә гаилә символы сурәтләнгән сувенирлар тапшырылды.
Лилия Шәймиева фотолары
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев