Башлангыч сыйныф укытучылары Республика семинарында катнаштылар

27 апрельдә Казанда «Россия бөркетләре: башлангыч мәктәптә тәрбия эшен үстерү траекториясе» дигән Республика семинары узды. Семинар-практикумда  «Россия бөркетләре" программасының барлык юнәлешләре  ачыкланды. Алар түбәндәгеләр:  «Тарихи хәтерне саклаучы Бөркет», «Бөркет-Оста кул»,  «Бөркет – Эколог», «Ирекле Бөркет»,  «Лидер Бөркет», «Эрудит – Бөркет».  Шулай ук  "Россия бөркетләре» программасын гамәлгә ашыручы башлангыч сыйныф укытучыларының яңа компетенцияләре»  «Россия бөркетләре" программасын гамәлгә ашыруда мәктәп һәм гаиләнең үзара бәйләнеше» дигән темаларга фикер алышу да үткәрелде.  Семинарда безнең районнан да башлангыч сыйныф укытучылары катнашты һәм оештыручыларның эшенә югары бәя бирделәр, – дип язалар мәгариф идарәсеннән.

Фото – мәгариф идарәсеннән