«Егетләрне каршы алудан алып тормышка кайтаруга кадәр»: Мөслимдә МХО ветераннары очрашты
Биредә МХОда катнашучыларга ярдәм күрсәтү, аларны тыныч тормышка кайтару һәм яшьләр белән патриотик тәрбия юнәлешендә эшләү мәсьәләләре күтәрелде
.jpg)
«Мизгел» яшьләр үзәгендә махсус хәрби операция ветераннары ассоциациясенең киңәйтелгән утырышы узды. Очрашуда МХОда катнашучыларга ярдәм күрсәтү, аларны тыныч тормышка кайтару һәм яшьләр белән патриотик тәрбия юнәлешендә эшләү мәсьәләләре күтәрелде.
МХО ветераннары ассоциациясе вәкилләре катнашты
Утырышта Татарстан Республикасы Махсус хәрби операция ветераннары ассоциациясе рәисе, ТР Премьер-министры ярдәмчесе, генерал-лейтенант Владимир Майстренко, шулай ук ассоциациянең Координация советы әгъзасы, Татарстан Республикасы Дәүләт Советы депутаты Эдуард Шәрәфиев катнашты.
Егетләргә ярдәм күрсәтү – төп юнәлешләрнең берсе
Очрашуда МХО зонасында хезмәт итүче егетләргә ярдәм күрсәтү чаралары турында фикер алыштылар. Аерым игътибар махсус хәрби операциядән кайтучыларны каршы алу, аларга адаптация узарга ярдәм итү һәм тыныч тормышка җайлашу өчен шартлар тудыру мәсьәләләренә юнәлтелде.
Район бүлекчәсе ветераннарга ярдәм итәчәк
Әлеге юнәлештә райондагы ассоциациянең җирле бүлекчәсе зур роль уйнаячак. Ул ветераннар һәм МХОда катнашучылар белән эшләү, аларның проблемаларын ачыклау һәм кирәкле ярдәм күрсәтүне оештыру белән шөгыльләнәчәк.
Ассоциациянең эшчәнлеге күпкырлы
Махсус хәрби операция ветераннары ассоциациясе – МХОда катнашучыларны һәм ветераннарны берләштерүче иҗтимагый оешма. Аның эшчәнлеге берничә мөһим юнәлешне үз эченә ала: ветераннарга хокукый, социаль һәм психологик ярдәм күрсәтү, яшьләргә патриотик тәрбия бирү, сугышчан туганлыкны саклау, шулай ук иҗтимагый әһәмияткә ия проектларны тормышка ашыру.
«Эшлисе эшләр шактый әле»
Район хәрби хәрәкәтләр ветераннарының иҗтимагый оешмасы җитәкчесе Данил Госманов билгеләп үткәнчә, бу юнәлештә әле башкарылырга тиешле эшләр күп.
«Бу юнәлештә эшлисе эшләр шактый әле. Патриотик тәрбия бирү, хәрби хәрәкәтләрдә катнашучыларга ярдәм итү һәм яшьләр белән эшләү – МХО ветераннары ассоциациясе шөгыльләнә торган өстенлекле юнәлешләрнең берсе», – диде ул.
Лилия Шәймиева репортажы.
Нет комментариев