Эсседә салкын аш – окрошка ашыйсы килә

Кирәкле ингредиентлар: 300 грамм колбаса, 3 бәрәңге, 5 йомырка, 2 кыяр, 2 редис, кефир, минераль су, яшел суган, укроп, әз генә горчица, тәменчә тоз.

Әзерләү тәртибе. Пешкән йомыркаларны, колбаса, бәрәңге, кыяр һәм редисны – шакмаклап, яшел тәмләткечләрне вак итеп турыйбыз. Аз гына горчица, тәменчә тоз кушабыз һәм барысын бергә бутыйбыз. Кирәкле куелыкта салкын кефир һәм минераль су салып болгатабыз һәм тәлинкәләргә бүләбез. Табынга кибет каймагы салып бирәбез. Тәмле булсын!

Фото Илүзә Нәбиуллина архивыннан