Студентлар белән горурланабыз!

Мөслим политехник техникумының 3 курс студенты, «Авыл хуҗалыгы техникасын һәм җиһазларын эксплуатацияләү һәм ремонтлау» белгечлеге буенча белем алучы Марсель Хуҗиәхмәтов «Материаловедение» дисциплинасы буенча республика олимпиадасында «Иң яхшы теоретик» номинациясендә җиңүче булды

"Марсельне лаеклы җиңүе белән ихлас котлыйбыз һәм алга таба да зур уңышлар телибез! Производство укыту мастеры Илдар Фаттахов, сыйфатлы әзерлек һәм студентка күрсәткән ярдәме өчен зур рәхмәт белдерәбез Әлеге җиңү — техникум студентларының белем дәрәҗәсе югары булуын һәм һөнәри үсешкә омтылышын ачык дәлилли", - дип хәбәр итәләр техникумнан.

Фото - Мөслим политехник техникумыннан.