Мөслимдә «Мин милләтемнең киләчәге, горурлыгы» бәйгесенең зона этабы узды

Г. Тукай исемендәге Мөслим урта мәктәбендә «Мин милләтемнең киләчәге, горурлыгы» муниципаль конкурсының зона этабы узды.

Чарада башлангыч сыйныф укучылары катнашты. Балалар үз халкының мәдәниятен һәм гореф-гадәтләрен тәкъдим итте. Катнашучылар кызыклы презентацияләр әзерләделәр һәм үз милләтенең тарихы, гореф-гадәтләре, традицион костюмнары, милли ризыклары турында сөйләделәр.

Моннан тыш, укучылар үзләренең осталыкларын да күрсәттеләр: кайсы аш-су пешерү, кемдер тегү, оригами яисә милли ризык әзерләү белән шөгыльләнә.

Фото – Мөслим урта мәктәбе архивыннан. 

Безнең телеграм каналга кушылыгыз! Телеграм-канал

Без "Дзен"да! Дзен