Мөслим мәктәпләрендә бүген Соңгы кыңгырау бәйрәме бара

Бу минутларда Мөслим районының барлык мәктәпләрендә шатлыклы һәм бераз моңсу да булган бәйрәм – Соңгы кыңгырау бәйрәмнәре уза Укучылар, укытучылар һәм әти-әниләр өчен әлеге бәйрәм — уку елының матур тәмамлануы, яңа тормыш баскычына беренче адымнар һәм яңа җиңүләргә юл салу булып тора.

Кыңгырауның соңгы чыңлары астында чәчәк бәйләмнәре, рәхмәт сүзләре һәм җылы теләкләр яңгырый. Бүгенге бәйрәм бигрәк тә 9нчы һәм 11нче сыйныф укучылары өчен тантаналы һәм дулкынландыргыч мизгелләр бүләк итә. Имтиханнар тәмамлангач күп укучылар яңа тормыш юлына – һөнәр сайлау юлына аяк басачак. Бәхетле һәм имин юллар сезгә кадерле укучылар!

Лилия Шәймиева фотолары