Мәктәпләр талпаннарга каршы эшкәртү оештыру өчен җаваплы
Территорияләрне талпаннарга каршы эшкәртүне оештыру өчен мәгариф оешмалары җаваплы. Бу хакта Мәгариф министрлыгының матбугат хезмәтендә хәбәр иттеләр, дип җиткерә ТАСС.
Министрлыкта аңлатуларынча, мондый профилактика чаралары СанПиН санитар-эпидемиологик кагыйдәләре һәм нормаларына ярашлы рәвештә үткәрелә.
СанПиН таләпләре нигезендә, эшкәртүдән соң өч-биш көн үткәч, белгечләр аның нәтиҗәлелеген тикшерә, тагын 15 календарь көннән соң кабат тикшерү үткәрелә.
Кулланучы хокукларын яклау һәм кеше иминлеге өлкәсендә күзәтчелек федераль хезмәте (Роспотребнадзор) кешеләр күп җыела торган урыннарда, мәгариф учреждениеләрендә һәм җәйге сәламәтләндерү лагерьләрендә талпаннарга каршы эшкәртү үткәрүне контрольдә тота. 2026 елда мондый эшләрне якынча 175 мең гектар мәйданда үткәрү планлаштырыла.
Фото: © Салават Камалетдинов, «Татар-информ»
Чыганак: Татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең телеграм каналга кушылыгыз! Телеграм-канал
Нет комментариев