Яшүсмерләр арасында хокук бозуларны кисәтү буенча ата‑аналар университеты узды

Мөслим районында «Яшүсмерләр арасында хокук бозуларны профилактикалау» темасына чираттан тыш ата-аналар университеты узды.

Чарада район башлыгы урынбасары Азат Әхмәтҗанов, балигъ булмаган балалар белән эшләү комиссиясе рәисенең урынбасары Марина Бәдретдинова, район прокуроры урынбасары Илвир Бахтиев, район эчке эшләр бүлеге җитәкчесе Айрат Вахитов, район мәгариф идарәсе җитәкчесе Лилия Хәбибуллина катнашты.

Университетта яшүсмерләрнең иминлеге һәм тәрбиясе белән бәйле төп мәсьәләләр каралды. Аерым игътибар террорчылык һәм экстремистик эшчәнлектә катнашу өчен җаваплылык, мәктәп территориясенә тыелган предметларны алып килү һәм моның мөмкин булган куркыныч нәтиҗәләре, үзара ихтирамлы булу кебек темаларга бирелде.

Рәмилә Сәләмова фотолары.