Яр Чаллы педагогия университеты деканы Мөслимдә

Мәгариф идарәсе белгечләре  Яр Чаллы педагогия университетының математика һәм информатика факультеты деканы Елена Краснова белән очраштылар. Очрашу барышында Мөслим районында университетның  Кама математика үзәге мәйданчыгын ачуга әзерлек мәсьәләләре каралды. Елена Леонидовна үзәкнең "Олимпиада математикасы" программасы  эшчәнлеге белән таныштырды. Программа  математика буенча региональ олимпиадаларга әзерләнүгә, логиканы үстерүгә  юнәлдерелгән. Дәресләрне Яр Чаллы педагогия университеты һәм Мәскәү Дәүләт университеты укытучылары алып барачак.

Фото - мәгариф идарәсеннән