Быел мәктәпләрдә соңгы кыңгырау 26 майда узачак
Бу хакта РИА Новости яза
«Россия мәктәпләрендә соңгы кыңгыраулар 26 майда узарга тиеш. Тиешле тәкъдимнәрне РФ Мәгариф министрлыгы илнең барлык төбәкләренә җибәрде», - диелә хәбәрдә.
Мәктәпләрдә чыгарылыш имтиханнары 1 июньнән дә иртәрәк башланмый.
Соңгы кыңгыраулар программасына Россия Федерациясе флагын күтәрү һәм гимнын башкару тантаналарын, шулай ук күп балалы гаиләләрне хөрмәтләүне, махсус хәрби операцияда катнашучы ата-аналарның һәм дәүләт бүләкләренә лаек булганнарның чыгышларын кертергә тәкъдим ителде.
Регионнарга тантаналы чараларга әзерлек вакытында куркынычсызлык чараларын тәэмин итәргә һәм мөмкинлекләре чикләнгән мәктәп укучылары өчен уңайлы мохит булдырырга куштылар.
Фото: © «Татар-информ», Михаил Захаров
Чыганак: Татар – информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең телеграм каналга кушылыгыз! Телеграм-канал
Нет комментариев