Балалар сәнгать мәктәбендә үткән рәсем конкурсына йомгак ясалды

Балалар сәнгать мәктәбендә "Әкият геройлары белән юл хәрәкәте кагыйдәләрен өйрәнәбез" исемле рәсем конкурсына йомгак ясалды.

Конкурс Сарман районы буенча "Юл хәрәкәте куркынычсызлыгы" бүлеге җитәкчесе Алсу Ситдикова белән берлектә үткәрелде. Анда рәсем сәнгате бүлегенең төрле сыйныф укучылары катнашты.

"Эшләрендә балалар юлларда куркынычсызлыкның әһәмиятен һәм юл хәрәкәте кагыйдәләрен үтәү зарурлыгын чагылдырдылар. Алсу Рәзин кызы үз чыгышында юлларда хокук бозуларны кисәтү, җәяүлеләр кичүләрендә һәм транспортта үзеңне ничек дөрес тотарга кирәклеге турында сөйләде.

Бөтендөнья юл-транспорт һәлакәтләре корбаннарын искә алу көнендә үткәрелгән рәсем конкурсы укучыларга юлда куркынычсызлыкның мөһимлеген аңларга һәм җәяүлеләр арасында җаваплырак булырга өйрәнергә ярдәм итте. Бу шулай ук һәлакәт корбаннарына һәм аларның гаиләләренә хөрмәт белдерүнең ысулы иде", - дип хәбәр итәләр Мөслим балалар сәнгать мәктәбеннән.

Фотолар - Мөслим балалар сәнгать мәктәбеннән.