2030 елга тарих буенча БДИда телдән тапшыру өлеше барлыкка киләчәк
Рособрнадзор башлыгы Анзор Музаев хәбәр иткәнчә, 9 нчы сыйныф өчен мондый имтихан инде 2028 елда штат режимына керәчәк.
Мәгариф һәм фән өлкәсендә күзәтчелек федераль хезмәте (Рособрнадзор) 2030 елга тарих буенча бердәм дәүләт имтиханына телдән тапшырыла торган өлешне кертергә исәп тота. Бу хакта ведомство җитәкчесе Анзор Музаев сөйләде, дип хәбәр итә РИА Новости.
Түрә сүзләренчә, хәзерге вакытта кайбер гуманитар предметлардан имтиханның телдән тапшырыла торган өлеше модельләрен эшләү башлана.
9 нчы сыйныфта тарих буенча имтиханда телдән тапшыру моделе барлыкка килә, ул 2028 елда штат режимына керәчәк. Димәк, без беренче чиратта тарихны предмет буларак караячакбыз, анда бу блок беренчеләрдән булып барлыкка килергә тиеш. Ориентир – 2030 елга, - дип аңлатты Мусаев.
Шул ук вакытта бердәм дәүләт имтиханында телдән тапшырыла торган өлеш белән тулыландырылачак предмет, мөгаен, әдәбият булыр, дип ачыклык кертте ул.
Фото: Татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең телеграм каналга кушылыгыз! Телеграм-канал
Нет комментариев