Үзара салым акчасы буенча утырыш узды

"Мизгел" яшьләр үзәгендә үзара салым мәсьәләсен сөйләшү максатыннан Мөслим авылы активы белән утырыш узды. Аны район Башлыгы урынбасары Ленар Авзалов алып барды. Актив алдына 2015 елда үзара салым акчасын түләмәгән авылдашларыбызның исемлеген барлап, эшләрен судка әзерләү бурычы куелды. Җирлектә яшәүче гражданнарга квитанция килмәсә дә, 2016 елның салым акчасын "Ак Барс" банкка түләргә була. Биредә исәп-хисап счеты ачылган, комиссия алынмый. Билгеле булганча, салым акчасын мөмкинлеккә карап бер юлы яисә икегә,я дүрткә бүлеп тапшырырга була.