Яңа ел белән яңа бәяләр килде

1 гыйнвардан Татарстанда балалар бакчасы өчен ата-аналар түләргә тиешле акчаның күләме артты. (Якынча бу арту 180-270 сум тирәсе). Түләүләр оешманың төренә, эш вакытына һәм сабыйның яшенә бәйле. Шул ук вакытта ата-аналар өчен барлык ташламалар һәм компенсацияләр саклана. Беренчедән, һәркемгә федераль субсидия тиешле: беренче балага - 20, икенчесенә - 50, өченчесенә 70 процент кире кайтарыла. Икенчедән, республика казнасыннан да өстәмә компенсация түләнә. Кереме җан башына 20 мең сумнан артмаган һәр кеше әлеге төбәк ярдәменә өмет итә ала. Моннан тыш, күпбалалы гаиләләргә ташламалар саклана. Физик мөмкинлекләре чикләнгән, туберкулез интоксикацияле балалар, ятим һәм ата-ана тәрбиясеннән мәхрүм сабыйлар балалар бакчаларына бушлай йөри