Вакытыннан алда пенсия - 5 балалы аналар 50 яшьтә, ә 3 балалылар 57 яшьтә пенсия рәсмиләштерә ала

Белгеч сүзләренчә, өч балалы хатын-кыз – 57 яшьтә, дүрт балалы хатын-кыз 56 яшьтә пенсия рәсмиләштерә ала, ә биш һәм аннан да күбрәк балалы аналар 50 яшьтә пенсиягә чыгарга хокуклы.

Ташламалар алу өчен берничә шартны үтәргә кирәк. Хатын-кызның иминият стажы кимендә 15 ел булырга тиеш, ягъни кертемнәрне күчереп рәсми эшләү чоры, ә индивидуаль пенсия коэффициенты кимендә 30 балл тәшкил итәргә тиеш.

Моннан тыш, балаларны ана сигез яшькә кадәр тәрбияләргә тиеш, һәм хатын-кыз ата-ана хокукыннан мәхрүм ителергә тиеш түгел.

Переведенцева ананы балаларның берсенә карата ата-ана хокукыннан мәхрүм итсәләр, бу баланы вакытыннан алда пенсия билгеләгәндә исәпкә алмыйлар, дип ачыклык кертте.

Эксперт шулай ук балалар карау чорларын исәпкә алу кагыйдәләренең үзгәрүе турында сөйләде. Элек пенсияләрне исәпләгәндә, иң күбе дүрт бала карауны исәпкә алганнар – алты елдан артык булмаган стаж. Хәзер бу чикләү гамәлдән чыгарылды: пенсия стажына яшь ярымга кадәрге һәр баланы карауны кертергә мөмкин.

Бу чорда махсус шкала буенча пенсия коэффициентлары исәпләнә: беренче бала өчен — елына 1,8 балл яки ел ярым өчен 2,7 балл, икенче бала өчен — елына 3,6 балл яки ел ярым өчен 5,4 балл, өченче һәм аннан соңгы балалар өчен — елына 5,4 балл яки ел ярым өчен 8,1 балл.

Переведенцева аңлатканча, бер пенсия коэффициентының бәясе хәзер 156,76 сум тәшкил итә. Мәсәлән, беренче бала артыннан ел ярым вакыт эчендә хатын-кыз 2,7 коэффициент ала, аннары алар пенсиягә акчалата өстәмә түләүгә күчерелә. Әмма әгәр хатын-кызның рәсми хезмәт стажы булмаса, балалар карау чоры стажга кертелмәячәк.

Фото – Татар-информ