"Туган як" музеенда "Кояшкай" балалар бакчасы кунакта булды

"Туган як" музеенда "Кояшкай" балалар бакчасының уртанчылар төркеме тәрбияче апалары Индира Хәбирова белән кунакта булды. Масленица - май чабу бәйрәме уңаеннан оештырылган әлеге чарада музей хезмәткәре Венера Мирхазиянова балаларны бәйрәмнең тарихы, үзенчәлекләре, үзенә генә хас йолалары белән таныштырды. Бәйрәмнең атрибуты булган карачкыны балалар үз куллары белән дә ясап карады. Соңыннан балалар кайнар коймак белән сыйланды.