Әти-әниләр БДИ тапшырды

Бүген Мөслим лицее базасында әти-әниләр рус теленнән бердәм дәүләт имтиханы тапшырды. Шул рәвешле мөслимлеләр дә "Әти-әниләр тарафыннан БДИ тапшыруның бердәм көне" акциясенә кушылды.

Имтихан бирергә 30 әти-әни теләк белдерсә дә, үзләрен сынап караучылар кимрәк булды. Балалардан аермалы буларак, өлкәннәргә тест биремнәрен эшләү өчен вакыт та кимрәк бирелде. Имтиханга кайберәүләр баласының хис-кичерешләрен тирәнрәк аңлар өчен, кайсылары мәктәп елларын искә төшерер һәм белемен сынар өчен килүен билгеләп үтте.