Татарстанның мәктәп ашханәләрендә ясалма фәһем кулланыла башлаячак

admin, 26 февраль 2026 - 16:27

Бөтен процесс 5тән 15 секундка кадәр вакытны ала

Татарстанның мәктәп ашханәләрендә ясалма фәһем кулланыла башлаячак

Татарстан мәктәпләрендә «Акыллы ашханә» системасын кертергә планлаштыралар, ул үз-үзеңә хезмәт күрсәтү зоналарында туклану өчен түләү процессын тулысынча автоматлаштырырга мөмкинлек бирәчәк. Программа-аппарат комплексы ясалма фәһем технологияләре базасында эшли, дип хәбәр иттеләр ТР Дәүләт идарәсе цифрлы үсеше, мәгълүмати технологияләр һәм элемтә министрлыгы матбугат хезмәтендә.

Системаның эш принцибы гади: укучы ризык салынган подносны махсус киоскка куя, анда видеоаналитика системасы автомат рәвештә барлык ризыкларны танып белә. Позицияләр исемлеге шунда ук экранга чыгарыла, шуннан соң укучыга түләү өчен картаны куярга гына кала. Бөтен процесс 5тән 15 секундка кадәр вакытны ала.

«Обр.Карта» белем бирү платформасы белән берлектә булдырылган технология нәтиҗәлелеген исбатлаган заманча видеоаналитика чараларына нигезләнә.

Ясалма фәһемне мәктәп җәмәгать туклануы системасына кертү чиратларны сизелерлек кыскартырга һәм өстәмә персонал җәлеп итмичә хезмәт күрсәтү тизлеген арттырырга мөмкинлек бирер дип көтелә. Казанның кайбер мәктәпләрендә беренче «Акыллы ашханәләр» киләсе уку елыннан ук барлыкка килергә мөмкин.

Чыганак, фото: «Татар-информ», Салават Камалетдинов

Следите за самым важным и интересным в Telegram-каналеТатмедиа

Читайте новости Татарстана в национальном мессенджере MАХ: https://max.ru/tatmedia

Безнең телеграм каналга кушылыгыз! Телеграм-канал

Без "Дзен"да! Д зен