«Татарстанның иң яхшы яшь укытучысы» бәйгесе узачак
«Бу республика яшьләре өчен иң җентекләп әзерләнгән бәйгеләрнең берседер дип уйлыйм. Быел бездә беренче урын өчен 500 мең сум күләмендәге приз һәм Татарстан Рәисенең кадрлар резервына керү мөмкинлеге бар», - диде Софья Мостафина
«Татарстан Республикасының иң яхшы яшь укытучысы - 2024» бәйгесенең гариза бирү кампаниясе сентябрьдән октябрьгә кадәр уза, ә чара үзе февраль башына кадәр дәвам итә. Җиңүче 500 мең сум күләмендә акчалата бүләк алачак. ТР яшьләр эшләре министрының беренче урынбасары Софья Мостафина «Татар-информ» агентлыгына шулай дип белдерде.
«Бу республика яшьләре өчен иң җентекләп әзерләнгән бәйгеләрнең берседер дип уйлыйм. Быел бездә беренче урын өчен 500 мең сум күләмендәге приз һәм Татарстан Рәисенең кадрлар резервына керү мөмкинлеге бар», - дип искәртте ул.
Узган елгы җиңүче Юлия Тимошина кадрлар резервына кергәннән соң Әлмәттәге нефть мәктәпләренең берсендә эшкә урнашты, мәктәптә махсус аның өчен аерым химия лабораториясе ачтылар.
Фото – Татар-информ архивыннан
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев