Татарстанда кабат яңгыр һәм җепшек кар көтелә, җил бераз тына
Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә
Республикада көн болытлы булачак. Яңгыр һәм җепшек кар явуын дәвам итә (кайбер урыннарда төнлә явым-төшем туктый, ләкин аннары тагын башлана).
Көньяк-көнбатыштан һәм көньяктан секундына 7-12 метр тизлектә җил исә. Урыны белән аның тизлеге 15-20 метрга (Казанда - 17 метрга) кадәр көчәя. Бофорт шкаласы буенча, тизлеге секундына 13,9-17,1 метр тәшкил иткән җил – көчле, 17,2-20,7 метрга җитсә бик көчле җил дип атала.
Төнге салкыннардан соң (-1..+3 градус) көндез төбәктә термометрның терекөмеш баганасы +6..+11 градуска (Казанда – +7..+9 градуска) кадәр күтәреләчәк.
Фото: © «Татар-информ», Михаил Захаров
Безнең телеграм каналга кушылыгыз! Телеграм-канал
Нет комментариев