Стилист көзге сезонның биш төп аксессуарын исемләде

Көз көне гардеробны яңа пальто сатып алмыйча да яңартып була — берничә модалы деталь өстәү җитә. Бу хакта «Радио 1»да стилист һәм дизайнер Анна Скороходова белдерде.

Аның фикеренчә, һәр яңа сезонда киемнәрне тулысынча алыштыру кирәк түгел. Ике-өч кыю акцент, шул исәптән фактуралы бизәнү әйберләре дә җитә. 

Модалы вариантлар арасында Скороходова зур скульптура формалы беләзекләрне, кат-кат бизәкләрне һәм сюрреалистик стильдәге детальләрне аерып әйтте. Массив брошьларны асимметрик рәвештә якага беркетергә, ә беләзекләрне водолазка манжетасы өстеннән кияргә киңәш итә.

«Көзен тукымадан гына түгел, күн һәм трикотаж галстуклар да популярлык ала», — дип билгеләде стилист.

Тагын бер тренд булып эксперт бордо төсле сумканы санады. Ул гардеробтагы кара яки көрән төсне уңышлы алыштыра ала, бигрәк тә соры, көрән һәм саргылт яшел төсләре белән яхшы туры киләләр. 

«Бордо сумка — диярлек һәркемнең гардеробында булырга тиешле әйбер. Ул соры, көрән яки саргылт яшел пальто белән идеаль туры килә», — дип өстәде Скороходова.

Гади пальтоны яңарту өчен стилист ачык төстәге аяк киеме яки перчаткалар кулланырга тәкъдим итә. Шулай ук ачык шарф яки сәгать каешы белән дә акцент ясарга була.

«Кызыл, фирәзә, шәмәхә төсмерләрендәге аксессуарлар — аяк киеме, перчаткалар — сезгә берничә сезон хезмәт итүче гади пальтоны да яңача яңгырата ала», — дип сөйли әңгәмәдәш.

Аяк киеме арасында Скороходова биек күн итекләргә, т-сыман каешлы модельләргә, лоферларга һәм тәбәнәк үкчәле слингбэк туфлиларга игътибар итәргә киңәш итте.

Стилист билгеләгәнчә, гардеробның 85 процентын яңа сезонда да саклап калырга мөмкин, аңа кыюрак детальләр өстәү генә кирәк.

Фото: «Татар-информ», Рамил Гали

Безнең телеграм каналга кушылыгыз! Телеграм-канал

Без "Дзен"да! Дзен