Рәссам Илисәй Имамовка - 85 яшь

«Туган якны өйрәнү" музеенда районыбызның күренекле кешеләре белән очрашулар даими үткәрелеп тора. Бүген шундый очрашуларның чираттагысы үтте. Очрашуда Баланлы авылында гомер итүче Илисәй Имамов катнашты. Илисәй ага төрле сыннар иҗат итә. Февраль аенда 85 яшен тутырган якташыбыз, бүген картиналар иҗат итү белән дә шөгыльләнә. Очрашуга район башлыгы Рамил Муллин да килде. Ул сынчы якташыбызга рәхмәтләрен җиткереп, район башлыгының Рәхмәт хатын тапшырды. Чарада катнашучылар Илисәй Имамовка кызыксындырган сорауларын да бирделәр. Аның бүген барлык ясаган сыннары "Туган якны өйрәнү" музеенда саклана. Илисәй абыйның сыннары катнашучыларда зур кызыксыну һәм соклану хисләре уятты.