Өлкәннәр арасында шахмат ярышлары оештырылды

2023 елның 23 мартында Мөслим лицее базасында шахмат буенча «Буыннар элемтәсе» республика турнирының 1 этабы узды.  Ул Татарстан Республикасында «Спорт – тормыш нормасы» федераль проектын һәм «Бердәм Россия» ВПП федераль партиянең «Өлкән буын»  проектын гамәлгә ашыру кысаларында үткәрелә.
Чараны «Россия Пенсионерлар берлеге» нең җирле бүлеге, СФР клиентлар хезмәте (бүлек хокукларында) һәм яшьләр эшләре һәм спорт бүлеге оештырды. Сәламләү сүзе белән Мөслим районындагы «Россия Пенсионерлар берлеге» нең җирле бүлекчәсе рәисе Рөстәм Шәрипов һәм клиентлар хезмәте җитәкчесе (бүлек хокукларында) Фәридә Ганиева чыгыш ясады. 1 этапта районның 3 династиясе – Латыйповлар, Галиевлар һәм Фәтхуллиннар гаиләләре катнашты. Киеренке көрәштә 1 урынны Галиевлар гаиләсе вәкилләре, 2 урынны Латыйповлар һәм 3 урынны Фәтхуллиннар алды.
Шахмат турниры җылы, дустанә шартларда узды һәм өлкән яшьтәге кешеләрне, аларның балаларын һәм оныкларын шахмат ярышларында катнашуга җәлеп итүгә юнәлдерелде. Барлык катнашучыларга да истәлекле бүләкләр тапшырылды. Җиңүчеләр Чаллы шәһәрендә узачак зона этабында катнашачаклар.

Фото - «Россия Пенсионерлар берлеге» нең җирле бүлекчәсе архивыннан