Музей тагын бер экспонатка баеды

"Мөслим туган як музее" үзенең фондын кызыклы экспонатлар белән баетуны дәвам итә. Олы Чакмак авылында яшәүче Шакирҗанова Гүзәл һәм Камил үзләренең бәрәңге бакчасыннан табылган керамик савыт калдыкларын тапшырдылар. Мөслим авылында яшәүче Ногманов Рафис исә "керосинка" бүләк итте.

Шулай ук музейда гаиләләр өчен экскурсия үтте. Балаларга туган як турында киң мәгълүмат бирелә, борынгы эскпонатларны күрергә мөмкин. 22 октябрь көнне Нуриев Дилүс, Шайсолтанова Лилия гаиләләре белән кунак булдылар.